Mínútu þögn kl. 10:00 til að minnast Ólafs Rafnssonar
Til að minnast Ólafs Rafnssonar, forseta ÍSÍ, óskar Íþrótta- og Ólympíusamband Íslands þess við aðildarfélög sín með starfsemi í dag að mínútu þögn verði kl. 10:00 í dag, mánudaginn 24. júní. Tilkynningu þess efnis má sjá hér að neðan.
"Íþróttahreyfingin syrgir góðan vin og leiðtoga. Vegna fráfalls Ólafs Rafnssonar forseta ÍSÍ er óskað eftir því að íþróttafélög sem eru með starfsemi mánudaginn 24. júní stoppi leik/störf klukkan 10:00 og hafi einnar mínútu þögn til að minnast Ólafs Rafnssonar."
