Styrkleikalisti FIFA - Karlalandsliðið í 61. sæti
Íslenska karlalandsliðið fer upp um 12 sæti á nýjum styrkleikalista FIFA sem gefinn var út í morgun. Ísland er nú í 61. sæti listans en ef aðeins eru tekin til Evrópuþjóðirnar, er Ísland í 30. sæti af 53 þjóðum. Spánverjar eru sem fyrr á toppi listans.
Andstæðingar Íslendinga á föstudaginn, Slóvenar, eru í 55. sæti listans og standa í stað síðan síðasti listi var birtur. Af öðrum andstæðingum Íslands í undankeppni HM er það að frétta að Sviss er í 15. sæti og Norðmenn í 29. sæti. Albanía er í 38. sæti og Kýpur 122. sæti.
.jpg?proc=760)
.jpg?proc=760)
