Karlalandsliðið byrjar árið 2013 í 89. sæti
A landslið karla byrjar árið 2013 í 89. sæti á styrkleikalista FIFA og hækkar um eitt sæti milli mánaða. Annars eru afar litlar breytingar á listanum milli mánaða og t.a.m. engin breyting á topp 10, enda ekki margir landsleikir farið fram síðan listinn var síðast gefinn út. Heildarfjöldi leikja er 46 og þar af tók landslið Óman þátt í sjö þeirra. Nokkrar þjóðir sem bæta sig verulega milli mánaða eru Ekvador, Haítí, Úsbekistan og Kúba, sem fer einmitt upp í sætið fyrir ofan Ísland.