Ísland mætir Búlgaríu í dag kl. 15:00
Íslenska kvennalandsliðið mætir stöllum sínum frá Búlgaríu í dag í undankeppni EM og verður leikið í Lovech í Búlgaríu. Leikurinn hefst kl. 15:00 að íslenskum tíma og verður hægt að fylgjast með leiknum í beinni textalýsingu á heimasíðu UEFA.
Íslenska liðið getur með sigri komist í efsta sæti riðilsins en situr nú í þriðja sæti á eftir Noregi og Belgíu sem höfðu sigur í leikjum sínum í gærkvöldi. Noregur lagði Norður Írland, 2 - 0, þar sem mörkin komu á síðustu 15 mínútum leiksins. Belgar lögðu Ungverja á útivelli, 1 - 3, eftir að staðan hafði verið jöfn í leikhléi.
Byrjunarlið Íslands verður tilkynnt hér á síðunni um kl. 13:30.
