Styrkleikalisti FIFA - Karlalandsliðið í 131. sæti
Íslenska karlalandsliðið er í 131. sæti á nýjum styrkleikalista FIFA sem gefinn var út í morgun. Er það sama sæti og á síðasta lista en litlar breytingar eru á milli lista. Spánverjar eru sem fyrr í efsta sætinu og Þjóðverjar koma þar á eftir.
Næstu verkefni liðsins eru undir lok þessa mánaðar þegar leiknir verða tveir vináttulandsleikir gegn Frökkum og Svíum. Leikið verður gegn Frökkum, sunnudaginn 27. maí á Stade du Hainaut í Valenciennes. Leikið verður svo við Svía, miðvikudaginn 30. maí, á Gamla Ullevi í Gautaborg. Frakkar og Svíar eru hlið við hlið á nýja styrkleikalistanum, Frakkar í 16. sæti og Svíar í 17. sæti.