Vináttulandsleikur við Færeyjar 15. ágúst
Samið hefur verið við Færeyinga um vináttulandsleik A liða karla þann 15. ágúst næstkomandi og er sá leikur lokaundirbúningur íslenska liðsins fyrir undankeppni HM 2014, sem hefst í september. Leikurinn fer fram á Laugardalsvellinum og verður þetta 24. viðureign þessara frændþjóða. Ísland hefur haft sigur í 21 leik, einu sinni hafa liðin gert jafntefli og Færeyingar hafa unnið einn leik.
Eins og kynnt hefur verið hafa þegar verið staðfestir vináttulandsleikir við Svía og Frakka í maí. Undankeppni HM 2014 hefst síðan með heimaleik við Norðmenn 7. september.