U17 karla - Leikið við Ísrael kl. 10:00
Strákarnir í U17 leika í dag lokaleik sinn í undankeppni EM en leikið er í Ísrael. Heimamenn eru mótherjarnir í leik dagsins og hefst hann kl. 10:00 að íslenskum tíma. Sigur fleytir íslenska liðinu áfram í milliriðla en riðillinn er galopinn, öll liðin hafa þrjú stig að loknum tveimur leikjum.
Gunnar Guðmundsson hefur tilkynnt byrjunarliðið fyrir leikinn og er það sama lið og hóf leikinn gegn Grikkjum.
Byrjunarliðið:
Markvörður: Fannar Hafsteinsson
Hægri bakvörður: Adam Örn Arnarson
Vinstri bakvörður: Ósvald Jarl Traustason
Miðverðir: Orri Sigurður Ómarsson og Hjörtur Hermannsson, fyrirliði
Tengliðir: Oliver Sigurjónsson, Emil Ásmundsson og Kristján Flóki Finnbogason
Hægri kantur: Daði Bergsson
Vinstri kantur: Páll Olgeir Þorsteinsson
Framherji: Stefán Þór Pálsson
Á sama tíma leika Sviss og Grikkland í hinum leik riðilsins en fylgjast má með textalýsingu frá báðum leikjunum á heimasíðu UEFA.
