U21 karla - Ísland mætir Belgíu í dag kl. 17:00
Í dag, fimmtudaginn 1. september, leika strákarnir í U21 sinn fyrsta leik í undankeppni EM U21 karla. Andstæðingarnir eru Belgar og hefst leikurinn á Vodafonevelli kl. 17:00.
Óþarfi er að fjölyrða um frábæran árangur U21 karla í síðustu keppni en nú hefst ný áskorun hjá þessu liði, sem eðlilega hefur tekið nokkrum breytingum frá síðustu keppni.
Belgar, líkt og Íslendingar, eru að leika sinn fyrsta leik í undakeppninni en þeir léku vináttulandsleik gegn Tyrkjum á dögunum sem þeir töpuðu 2 - 3 á heimavelli. Flestir leikmenn liðsins leika í sínu heimalandi eða 20 af 23 leikmönnum.
Hægt er að kaupa miða á þennan leik á midi.is en einnig opnar miðasala á Vodafonevellinum kl. 16:00. Miðaverð er 1.000 krónur fyrir 17 ára og eldri en frítt er inn yfir 16 ára og yngri.
Gefum strákunum góðan byr í nýtt verkefni.
ÁFRAM ÍSLAND!
.jpg?proc=760)
.jpg?proc=760)
