Frítt fyrir yngri iðkendur, öryrkja og ellilífeyrisþega á Ísland – Kýpur
KSÍ hefur ákveðið að bjóða yngri iðkendum aðildarfélaga sinna, ókeypis aðgang að landsleik Íslands og Kýpur í undankeppni EM sem fram fer á Laugardalsvelli þriðjudaginn 6. september kl. 18:45
Jafnframt er öryrkjum og ellilífeyrisþegum boðinn ókeypis aðgangur að leiknum.
Aðildarfélög KSÍ sem vilja koma með hópa yngri iðkenda sinna (3. flokkur og yngri) á leikinn er bent á að senda póst á Þóri Hákonarson, thorir@ksi.is. Tilgreina þarf félag, fjölda iðkenda og tengilið/forráðamann. Gert er ráð fyrir að hóparnir komi í fylgd með forráðamönnum sem að sjálfsögðu fá líka frímiða. Miðar verða afhentir forráðamönnum á Laugardalsvelli í þessari viku og mánudaginn 5. september.
Aðgöngumiðar fyrir öryrkja og ellilífeyrisþega verða einnig afhentir á skrifstofu KSÍ í þessari viku og mánudaginn 5. september, gegn framvísun viðeigandi skírteina.
KSÍ vill hvetja fólk til að nýta tækifærið, koma á Laugardalsvöll og styðja við bakið á strákunum okkar í þessum síðasta heimaleik Íslands í undankeppni EM 2012.
Miðasalaá leikinn er í gangi í gegnum miðasölukerfi hjá midi.is.
.jpg?proc=760){kind=logo}
