Styrkleikalisti FIFA - Ísland í 124. sæti
Á nýjum styrkleikalista FIFA sem birtur var nú í morgun er karlalandslið Íslands í 124. sæti og falla um þrjú sæti frá síðasta lista. Holland er nú í efsta sæti listans og veltir Spánverjum úr því sæti. Holland er því sjöunda þjóðin sem vermt hefur efsta sæti listans en hinar þjóðirnar eru auk Spánar: Argentína, Brasilía, Frakkland, Ítalía og Þýskaland.
Framundan eru tveir landsleikir hjá Íslendingum í byrjun næsta mánaðar. Leikð verður við Noreg (12. sæti) ytra 2. september en gegn Kýpur (76. sæti) hér heima 6. september. Þetta eru leikir í undankeppni EM 2012 en lokaleikur Íslands í þeirri keppni er svo 7. október gegn Portúgal (8. sæti) á útivelli.