Kvennalandsliðið í 16. sæti styrkleikalista FIFA
Íslenska kvennalandsliðið er í 16. sæti á nýjum styrkleikalista FIFA sem gefinn var út í morgun. Ísland fer upp um eitt sæti og deilir 16. sætinu með Suður Kóreu. Það eru Bandaríkin sem eru sem fyrr í efsta sæti styrkleikalistans.
Af mótherjum Íslands í undankeppni fyrir EM 2013 er það að segja að Noregur er í 9. sæti og fellur um tvö sæti. Ungverjaland er í 30. sæti og stígur upp um eitt sæti á meðan Belgía er í 35. sæti og stendur í stað. Þá eru Búlgarir í 48. sæti og fara upp um eitt sæti eins og Norður Írar sem sitja nú í 63. sæti styrkleikalista FIFA.