Kvennalandsliðið heldur út á morgun
Íslenska kvennalandsliðið heldur utan í fyrramálið en framundan er fjórði leikur liðsins í riðlakeppni fyrir EM. Leikið verður við Slóveníu og er leikurinn á sunnudaginn kl. 15:00 og verður í beinni útsendingu hjá RUV.
Þetta er fyrsti landsleikur þjóðanna en Slóvenar hafa leikið tvo leiki til þessa í riðlinum og tapað þeim báðum. Íslenska liðið hefur hinsvegar byrjað frábærlega í riðlinum, unnið alla sína leiki til þessa.
Dómarar leiksins koma frá Búlgaríu, Djaleva Ilonka Milanova verður með flautuna og henni til aðstoðar verða þær Georgieva Kamena og Korcheva Yordanka.