Ísland - Liechtenstein í dag kl. 16:00
Ísland og Liechtenstein mætast á Laugardalsvelli í dag kl. 16:00 en leikurinn er liður í undankeppni fyrir EM 2008. Þjóðirnar hafa hlotið jafnmíörg stig í riðlinum til þessa en íslensku strákarnir eru staðráðnir að ná sér í þrjú stig út úr þessari viðureign.
Eyjólfur Sverrisson, landsliðsþjálfari, hefur tilkynnt byrjunarlið sitt:
Byrjunarliðið (4-4-2):
Markvörður: Árni Gautur Arason
Hægri bakvörður: Grétar Rafn Steinsson
Vinstri bakvörður: Gunnar Þór Gunarsson
Miðverðir: Kristján Örn Sigurðsson og Ívar Ingimarsson
Hægri kantur: Matthías Guðmundsson
Vinstri kantur: Emil Hallfreðsson
Tengiliðir: Brynjar Gunnarsson og Stefán Gíslason
Framherjar: Eiður Smári Guðjohnsen, fyrirliði og Veigar Páll Gunnarsson
Þeir Gunnar Kristjánsson og Ragnar Sigurðsson munu hvíla í þessum leik.
Áhorfendur eru hvattir til þess að mæta tímalega á völlinn til þess að forðast biðraðir og vera komnir í sæti sín þegar að þjóðsöngvarnir verða leiknir.
Landsliðfyrirliðinn, Eiður Smári Guðjohnsen, verður í eldlínunni en með marki, slær hann landsleikjamarkamet Ríkharðs Jónssonar.
Leikmenn Liechtenstein munu væntanlega verða erfiðir andstæðingar en þeir báru sigurorð af Lettum í síðasta landsleik sínum. Stuðningur áhorfenda getur, sem fyrr, skipt sköpum í þessum leik og eru áhorfendur hvattir til þess að láta vel í sér heyra á nýjum Laugardalsvelli.
Hægt er að kaupa miða í miðasölu á Laugardalsvellinum og hefst hún kl. 10:00 á leikdag. Miiðverð er eftirfarandi:
Miðaverð á leikdag 2. júní.
- Sæti í rauðu svæði kr. 4.000
- Sæti í bláu svæði kr. 1.500
- Sæti i grænu svæði kr. 1.500
Börn 16 ára og yngri fá miðana með 50% afslætti.
Áfram Ísland!!
.jpg?proc=760)
.jpg?proc=760)
