Ísland - Svíþjóð laugardaginn kl. 14:00
Ísland og Svíþjóð mætast á Laugardalsvelli 26. ágúst kl. 14:00 og er leikurinn í riðlakeppni HM. Þessi leikur er síðasti heimaleikur íslenska liðsins í keppninni og eru knattspyrnuáhugamenn hvattir til þess að koma á völllinn og hvetja stelpurnar. Aðgangur á leikinn er ókeypis.
Þessar þjóðir mættust í Svíþjóð 28. ágúst síðastliðinn og lauk leiknum þá með jafntefli, 2-2. Eru það einu stigin er Svíar hafa tapað í þessari keppni til þessa. Sænska liðið er geysisterkt og var í 5. sæti á síðasta styrkleikalista FIFA. Liðið er gífurlega leikreynt og hefur innanborðs sex leikmenn er hafa leikið meira en 100 landsleiki.
Íslenski hópurinn er óbreyttur frá því í leiknum gegn Tékkum. Leikreyndasti leikmaður íslenska liðsins er fyrirliðinn Ásthildur Helgadóttir en hún hefur leikið 64 landsleiki.
.jpg?proc=760)
.jpg?proc=760)
