KSÍ styður SOS barnaþorpin í verki
Alþjóða knattspyrnusambandið - FIFA hefur gert samstarfssamning við SOS barnaþorpin í tengslum við HM 2006 í Þýskalandi. KSÍ hefur á sama hátt gert samkomulag við SOS barnaþorpin á Íslandi til að afla fjár til bágstaddra barna og styrkja byggingu fjölskylduhúss í Brovary í Úkraínu.
KSÍ styður söfnunarátakið í verki og gaf SOS barnaþorpunum á Íslandi 500 þúsund krónur í styrk, eins og á síðasta ári. Eggert Magnússon, fomaður KSÍ, afhenti fulltrúum SOS barnaþorpanna styrkinn á Hótel Nordica á mánudagskvöld.
