Vefur KSÍ tilnefndur til íslensku vefverðlaunanna
Vefur KSÍ - ksi.is hefur verið tilnefndur til Íslensku vefverðlaunanna í flokknum Besti íslenski vefurinn. Fimm vefsíður eru tilnefndar í hverjum flokki, en flokkarnir eru alls fimm. KSÍ opnaði nýjan vef í maí á þessu ári.
Íslensku vefverðlaunin eru árlega veitt fyrir vefi sem taldir eru skara fram úr á sínu sviði. Tekið er á móti tilnefningum almennings á vefnum og dómnefnd skipuð fimm fulltrúum. Valnefndin fer yfir tilnefningarnar og velur úr þá vefi sem hún telur besta.
Verðlaunin verða afhent í Iðnó þriðjudaginn 29. nóvember að viðstaddri Valgerði Sverrisdóttur, iðnaðar- og viðskiptaráðherra.
Nánari upplýsingar má finna á www.vefverdlaun.is.
