134.000 heimsóknir á ksi.is í ágúst
Heimsóknir á vef KSÍ í ágúst voru alls um 134.000, sem er svipaður fjöldi og árið á undan. Heimsóknir á vef KSÍ eru nú að staðaldri yfir 100.000 á mánuði og vel rúmlega það yfir sumartímann.
Vefurinn gegnir veigamiklu hlutverki í daglegri starfsemi KSÍ og þjónustu sambandsins við aðildarfélög, fjölmiðla og annað knattspyrnuáhugafólk.
Þar er að finna allar helstu upplýsingar um knattspyrnu á Íslandi, fréttir og tilkynningar, upplýsingar um mót, landslið, reglugerðir, eyðublöð og margt fleira.
Nýr ksi.is var opnaður í maímánuði og hafa viðbrögð notenda við honum verið mjög jákvæð.
