121.000 heimsóknir í apríl

Heimsóknir á vef KSÍ í apríl voru alls um 121.000. Til samanburðar má nefna að í apríl 2004 voru heimsóknirnar alls um 64.000 og hefur heimsóknafjöldinn í aprílmánuði því nánast tvöfaldast milli ára. Vefurinn gegnir veigamiklu hlutverki í daglegri starfsemi KSÍ og þjónustu sambandsins við aðildarfélög, fjölmiðla og annað knattspyrnuáhugafólk. Þar er að finna allar helstu upplýsingar um knattspyrnu á Íslandi, fréttir og tilkynningar, upplýsingar um mót, landslið, reglugerðir, eyðublöð og margt fleira. Vinna við nýjan vef KSÍ er nú í fullum gangi og verður hann opnaður formlega á kynningarfundi Landsbankadeildarinnar 9. maí næstkomandi.