Nýr vefur væntanlegur

Nýr og glæsilegur vefur KSÍ mun verða opnaður fyrir næsta keppnistímabil. Frá því vefurinn var opnaður í maí 2000 hefur hann gegnt veigamiklu hlutverki sem þjónustutæki og upplýsingamiðill fyrir aðildarfélög, fjölmiðla og annað áhugafólk um íslenska knattspyrnu.

Fimm ár er langur líftími fyrir vefsíðu og nú er orðið tímabært að endurnýja. KSÍ býður hér með ykkur, notendum vefsins, að senda tillögur til vefstjóra um hvernig bæta má vefinn, t.d. hvað varðar upplýsingar á honum og uppbyggingu. Allt innlegg er vel þegið og allar tillögur verða skoðaðar.