Tæplega 80.000 heimsóknir í janúar

Heimsóknir á vef KSÍ í janúar voru alls tæplega 80.000, ríflega 2.500 á dag. Til samanburðar má nefna að í janúar 2004 voru heimsóknirnar alls um 55.000 og í janúar 2003 voru þær 36.000.

Vefurinn gegnir veigamiklu hlutverki í daglegri starfsemi KSÍ og þjónustu sambandsins við aðildarfélög, fjölmiðla og annað knattspyrnuáhugafólk. Þar er að finna allar helstu upplýsingar um knattspyrnu á Íslandi, fréttir og tilkynningar, upplýsingar um mót, landslið, reglugerðir, eyðublöð og margt fleira.