1. deild karla lokið
Keppni í 1. deild karla lauk á föstudag og var mikil spenna í botnbaráttunni, enda gátu fjögur lið fallið fyrir lokaumferðina. Þróttur R. og Valur höfðu þegar tryggt sér sæti í Landsbankadeild að ári. Völsungar tryggðu sæti sitt í deildinni með sigri á Þórsurum á Akureyri og Haukar gerðu jafntefli við Breiðablik á Ásvöllum sem dugði þeim til að forðast fall. Jafntefli gegn Þrótti dugði Njarðvíkingum ekki og falla þeir í 2. deild ásamt Stjörnunni, sem steinlá gegn HK á Kópavogsvelli.
