Nýtt met á vef KSÍ - 138.000 heimsóknir í ágúst

Í ágústmánuði náði fjöldi heimsókna á vef KSÍ nýjum hæðum. Alls voru heimsóknirnar ríflega 138.200, yfir 6.000 heimsóknir á dag. Í maí síðastliðnum var fjöldi heimsókna rúmlega 109.000 og var það í fyrsta skipti sem þær fóru yfir hundrað þúsund í einum mánuði. Í júní hækkaði talan enn meira, fór þá upp í 122.000, og nýtt met var síðan sett í ágúst eins og greint er frá hér að ofan. Til samanburðar má nefna að í ágúst á síðasta ári voru heimsóknirnar "aðeins" 86.500.