Útskrift UEFA-B þjálfara 4. apríl
Knattspyrnusamband Íslands hefur ákveðið að halda útskrift fyrir þá þjálfara sem hafa lokið UEFA-B þjálfaragráðunni og fer hún fram þann 4. apríl næstkomandi klukkan 14.00 í fundarsalnum á 2. hæð Smárans í Kópavogi (Íþróttahúsið við Fífuna). Alls hljóta rúmlega 120 þjálfarar þjálfaragráðuna að þessu sinni. Við útskrift fá þjálfararnir afhent sérstakt viðurkenningarskjal og þjálfaraskírteini sem staðfesta menntun þeirra á íslensku og ensku. Veitingar verða í boði KSÍ.
.jpg?proc=760)
