Hafsteinn Guðmundsson sæmdur heiðurskrossi KSÍ árið 1973

Hafsteinn Guðmundsson lék fjóra landsleiki á árunum 1946-1951, var stjórnarmaður í KSÍ 1968-1971, landsliðsnefndarmaður og síðar landsliðseinvaldur eins og það var kallað, og formaður ÍBK til fjölda ára. Hafsteinn var sæmdur heiðurskrossi KSÍ á 50 ára afmæli sínu í október 1973, en heiðurskrossinn er æðsta heiðursmerki KSÍ og veitist aðeins þeim sem unnið hafa knattspyrnuíþróttinni ómetanlegt gagn. Nýlega kom í ljós að Hafsteins hafði ekki verið getið sem heiðurskrosshafa á lista KSÍ yfir heiðursviðurkenningar og því mönnum ekki ljóst að Hafsteinn væri handhafi hans. Nú hefur það verið leiðrétt.

Þess má geta að því miður virðist listi KSÍ frá fyrri tíð vera götóttur og eru allar ábendingar um leiðréttingar vel þegnar. Listann má finna í valmyndinni hér til vinstri, undir Allt um KSÍ / Heiðursviðurkenningar.