Færði KSÍ Arsenal-bókina að gjöf

Út er komin bókin Arsenal - Bókin um okkur, sem gerir íslenskum stuðningsmönnum enska knattspyrnuliðsins Arsenal góð skil. Kjartan Björnsson, knattspyrnudómari frá Selfossi, fyrrverandi formaður Arsenal-klúbbsins á Íslandi og annar af stofnendum hans færði KSÍ eintak af bókinni að gjöf og var það eitt af síðustu embættisverkum hans.

Myndin hér til hliðar var tekin við þetta tilefni og sést hvar Geir Þorsteinsson, framkvæmdastjóri KSÍ, tekur við gjöfinni úr hendi Kjartans, sem er hægra megin á myndinni.