U21 kvenna - Ísland leikur um 7. - 8. sæti
U21 landslið kvenna beið ósigur í lokaleik sínum í riðlakeppni Opna Norðurlandamótsins í dag gegn Dönum með tveimur mörkum gegn engu. Danirnir náðu forystunni strax á fyrstu mínútu leiksins og bættu öðru við skömmu fyrir leikhlé. Þrátt fyrir þetta var íslenska liðið sterkari aðilinn í fyrri hálfleik og komu bæði mörkin gegn gangi leiksins. Í síðari hálfleik skiptust liðin á að sækja, en þrátt fyrir að eiga hættulegri færi tókst okkar stúlkum ekki að setja mark. Ísland leikur því gegn Finnum um 7. - 8. sætið í mótinu á sunnudag.
