Styrkleikalisti FIFA - Ísland í 61. sæti
Ísland er ásamt Ghana í 61. - 62. sæti á styrkleikalista FIFA, sem gefinn var út í dag, og hefur fallið um eitt sæti frá því í síðasta mánuði. Skotar, mótherjar Íslands í undankeppni EM næstkomandi laugardag, eru skammt undan í 63. - 64. sæti ásamt Alþýðulýðveldinu Kongó. Brasilíumenn eru efstir sem fyrr, en Spánverjar fara upp fyrir Frakka í annað sætið.