KSÍ 55 ára í dag

Knattspyrnusamband Íslands heldur upp á 55 ára afmæli sitt í dag, en sambandið var stofnað þann 26. mars 1947.

Alls áttu 14 félög og íþróttabandalög aðild að KSÍ í byrjun; Fram, KR, Víkingur og Valur úr Reykjavík, Haukar og FH úr Hafnarfirði, Kári og KA frá Akranesi, Þór og KA frá Akureyri, Þór og Týr frá Vestmannaeyjum, auk Íþróttabandalags Ísafjarðar og Íþróttabandalags Siglufjarðar. Fyrsti formaður KSÍ var kjörinn Agnar Klemens Jónsson, sem gegndi því embætti fyrsta starfsárið, 1947-1948.

Á myndinni hér til hliðar má sjá fyrsta landslið Íslands, sem mætti Dönum 17. júlí 1946, árið áður en KSÍ var stofnað.

Frá vinstri: Ellert Sölvason, Sæmundur Gíslason, Þórhallur Einarsson, Albert Guðmundsson, Haukur Óskarsson, Jón Jónasson, Sveinn Helgason, Sigurður Ólafsson, Karl Guðmundsson, Hermann Hermannsson og Brandur Brynjólfsson, fyrirliði.