Heiðursviðurkenningar

Hér að neðan gefur að líta yfirlit yfir þau heiðursmerki sem KSÍ afhendir við sérstök tilefni, í samræmi við reglugerð um veitingu landsliðs- og heiðursviðurkenninga.  

Þar sem heimildir um eldri viðurkenningar geta verið óljósar eru allar ábendingar vel þegnar. Ef upplýsingarnar í nafnalista hér að neðan eru ekki réttar eða ef einhver nöfn vantar, þá hafið endilega samband.

Heiðursviðurkenningar- Listi yfir nöfn viðtakenda og viðurkenningu

Nýliðamerki

Nýliðamerki á hvítum grunni með rauðum stöfum skal sæma þá leikmenn, sem leika í fyrsta sinn með landsliði Íslands í milliríkjaleikjum, þó ekki A-landsliði.  

Landsliðsmerki

Landsliðsmerki á gylltum grunni með bláum bókstöfum skal sæma þá leikmenn sem leika í fyrsta sinn í A-landsliði Íslands í milliríkjaleikjum. 

Sambandsmerki

Sambandsmerki á hvítum grunni með bláum bókstöfum skal sæma þá sem leika gegn íslenska landsliðinu í milliríkjaleikjum, erlenda knattspyrnuleiðtoga, einnig íslenska menn, sem unnið hafa að vexti og viðgangi knattspyrnuíþróttarinnar.         

Heiðursmerki úr silfri 

Heiðursmerki þetta veitist þeim sem unnið hafa vel og dyggilega að eflingu knattspyrnuíþróttarinnar í áratug eða lengur.

Heiðursmerki úr gulli

Heiðursmerki þetta veitist aðeins þeim, sem unnið hafa knattspyrnuíþróttinni langvarandi og þýðingarmikil störf.  

Heiðurskross úr gulli

Heiðurskross þessi, sem er æðsta heiðursmerki KSÍ, veitist aðeins undir alveg sérstökum kringumstæðum þeim, sem unnið hafa knattspyrnuíþróttinni ómetanlegt gagn.  Heiðurskrossi skal einnig fylgja sérstakt heiðursskjal.

Þar sem heimildir um eldri viðurkenningar geta verið óljósar eru allar ábendingar vel þegnar. Ef upplýsingarnar hér að neðan eru ekki réttar eða ef einhver nöfn vantar, þá hafið endilega samband.