Byrjendanámskeið fyrir dómara 29. apríl
Mynd - Mummi Lú
Byrjendanámskeið fyrir dómara fer fram í höfuðstöðvum KSÍ þriðjudaginn 29. apríl kl. 17:00.
Fjöldinn allur af byrjendanámskeiðum hafa verið haldin í vetur og vor en nú er komið að því síðasta sem boðið er upp á fyrir sumarið. Þráðurinn verður síðan tekin aftur upp í haust.
Námskeiðið er haldið af KSÍ í höfuðstöðvum KSÍ í salnum "Sókninni" á 3. hæð.
Námskeiðið stendur yfir í um tvær klukkustundir og er öllum opið sem náð hafa 15 ára aldri.
Á námskeiðinu er lögð aðaláhersla á knattspyrnulögin en auk þess verður einnig farið yfir ýmis konar kynningarefni, fræðsluefni, skýringar og skýringarmyndir. Námskeiðinu lýkur með skriflegu prófi og er ókeypis.
Sá sem lýkur unglingadómaraprófi hefur rétt á að dæma í 4. flokki og neðar ásamt því að vera aðstoðardómari upp í 2. flokk.
100% viðvera á námskeiði skilyrði.
Skráning er hafin á magnus@ksi.is
.png?proc=760)
.jpg?proc=760)