• lau. 05. apr. 2025
  • Landslið
  • A kvenna

Þrjár með 50 leikja áfanga

Þrír leikmenn A landsliðs kvenna hafa nýlega náð 50 leikja áfanga. Alexandra Jóhannsdóttir lék sinn 50. leik þegar íslenska liðið lék gegn Sviss í febrúar. Karólína Vilhjálmsdóttir og Sandra María Jessen náðu áfanganum í leiknum við Noreg á Þróttarvelli á föstudag.

Allar fengu þær afhent áletrað úr skv. reglugerð KSÍ um veitingu landsliðs- og heiðursviðurkenninga. Það voru Helga Helgadóttir varaformaður KSÍ og Þorvaldur Örlygsson formaður sem afhentu viðurkenninguna.