49. þing UEFA í Belgrad
Í vikunni fer fram 49. þing Knattspyrnusambands Evrópu (UEFA) og er þingið að þessu sinni haldið í Belgrad í Serbíu. Á þingum UEFA koma allar 55 aðildarþjóðirnar saman. Fyrsta UEFA þingið var haldið í Vín, Austurríki í mars 1955, einu ári eftir að Knattspyrnusamband Evrópu var stofnað.
Fulltrúar KSÍ á þinginu í Belgrad eru Þorvaldur Örlygsson formaður, Ingi Sigurðsson varaformaður og Eysteinn Pétur Lárusson framkvæmdastjóri.
Hægt er að fylgjast með gangi mála á þinginu í gegnum miðla UEFA.