Lukkukrakkar á leiki Íslands
Á leikjum A landsliðs kvenna gegn Noregi, föstudaginn 4. apríl, og Sviss, þriðjudaginn 8. apríl, sem fram fara á Þróttarvelli geta öll börn sem vilja sóst eftir því að vera lukkukrakkar. Hlutverk lukkukrakka er að leiða leikmenn beggja liða inn á völlinn og standa með þeim á meðan þjóðsöngvar eru spilaðir.
Lukkukrakkar munu klæðast keppnisbúningi (treyju, stuttbuxum og sokkum) sem hægt verður að kaupa á kostnaðarverði (19.900 krónur).
Kaupa þarf miða fyrir foreldri/forráðamann lukkukrakka á leikinn. Miðaverð í því svæði sem úthlutað er fyrir lukkukrakka er 3.500 krónur fyrir fullorðna og 1.750 krónur fyrir börn (16 ára og yngri).
Hægt verður að sækja um á leik Ísland og Noregs til miðnættis 29. mars og á leik Íslands og Sviss til miðnættis 2. apríl. Í framhaldinu verða lukkukrakkar dregnir út og haft samband við forráðamenn.
Annað sem þarf að hafa í huga við skráningu lukkukrakka:
- Mikilvægt er að börnin séu komin 45 mínútum fyrir áætlaðan leiktíma
- Upplýsingar um inngang lukkukrakka verða sendar beint til forráðamanna þeirra barna sem verða lukkukrakkar
- Lukkukrakki má ekki vera hærri en 140cm og miðað er við börn á aldrinum 6-10 ára
- E-miði (fyrir lukkukrakka og fylgdarmann) verður sendur á netfang sem gefið er upp í skráningarforminu.
- Lukkukrakkar eiga að vera í strigaskóm þegar þau ganga inn á völlinn - alls ekki í takkaskóm
- Foreldri/forráðamaður sem fylgir lukkukrakka aðstoðar við að klæða í búning
- Foreldri/forráðamaður fer upp í stúku þar sem hægt er að horfa á inngönguna fyrir leikinn
- Lukkukrökkum er fylgt upp í stúku eftir athöfnina
