• mán. 24. feb. 2025
  • Fræðsla

KSÍ B Markmannsþjálfaragráða 2025

KSÍ mun bjóða upp á KSÍ B Markmannsþjálfaragráðu á næstu mánuðum. Námskeiðið hefst í lok mars og áætlað er að því ljúki í október 2025.

Markmið námskeiðsins er að markmannsþjálfarar öðlist betri færni í að greina sinn markmann á æfingum og í leikjum og að setja upp æfingaáætlun með það að markmiði að bæta markmanninn í bæði tækniatriðum og leikfræði.

Inntökuskilyrði er að markmannsþjálfari hafi lokið bæði KSÍ C þjálfaragráðu (áður KSÍ I og KSÍ II) og Grunnnámskeiði KSÍ í markmannsþjálfun.

Samkvæmt Leyfiskerfi KSÍ þurfa allir markmannsþjálfarar félaga í tveimur efstu deildum karla og í efstu deild kvenna að hafa markmannsþjálfaragráðu.

Námskeiðið er um 90 kennslustundir, kostar 120.000 kr. og samanstendur af tveimur helgarnámskeiðum, verkefnavinnu og kynningu á lokaverkefni.

Fyrsta helgin verður 28.-29. mars (fös-lau), síðari helgin verður 30.-31. maí (fös-lau) og áætlað er að kynning lokaverkefnis verði í október 2025.

Umsækjendur þurfa að fylla út umsóknareyðublað sem finna má í hér og senda á dagur@ksi.is í síðasta lagi föstudaginn 14. mars 2025.

 

Dagsetningar:

KSÍ B M 1, 28.-29. mars 2025

30. mars - 29. maí, verkefnavinna hjá félagi

KSÍ B M 2, 30.-31. maí 2025

Júní - október, verkefnavinna hjá félagi

Október 2025, kynning á lokaverkefni og útskrift