Stál-Úlfur er Grasrótarfélag ársins 2024
Grasrótarverðlaunum KSÍ er skipt upp í þrjá flokka: Grasrótarverkefni ársins, Grasrótarfélag ársins og Grasrótarpersóna ársins. Þetta er í þriðja sinn sem verðlaunum er þrískipt með þessum hætti.
Grasrótarfélag ársins 2024 er Stál-úlfur fyrir fjölþjóðlegt starf í eldri flokki karla.
Í umsögn um tilnefningu Stál-Úlfs segir meðal annars: Stál-Úlfur hefur verið þátttakandi í Íslandsmóti 40 ára og eldri síðan 2016 og hefur félagið verið með eindæmum sigursælt á þeim tíma. Hjá Stál-Úlfi spila m.a. fyrrverandi leikmenn úr efstu deild karla, leikmenn sem hafa byggt sér upp gott orðspor í þessari íþróttagrein hér á landi í gegnum árin. Samhliða íslenskum liðsfélögum sínum í Stál-Úlfi koma liðsmenn víðsvegar að úr heiminum t.a.m. frá Litáen, Serbíu, Portúgal, Póllandi, Venesúela og Kósovó og áfram væri hægt að telja. Fótbolti á að snúast um vináttu og gleði og það eru einkunnarorð Stál-Úlfs.
Efri mynd: Algirdas Slapikas frá Stál-Úlfi og Dagur Sveinn Dagbjartsson frá KSÍ.
Neðri mynd: Liðsmenn Stál-Úlfs.
.jpg?proc=760)
