Kjörbréf fyrir ársþing KSÍ
Kjörbréf fyrir ársþing KSÍ eru nú, líkt og undanfarin þing, gefin út fyrir hvert og eitt aðildarfélag, ekki fyrir hvert héraðssamband og íþróttabandalag líkt og áður, og eru þar af leiðandi send beint á viðkomandi aðildarfélag. Hlekkur á kjörbréf hefur verið sendur með tölvupósti á formenn og/eða framkvæmdastjóra hvers félags.
Félög eru vinsamlegast beðin um að fylla út kjörbréfið með nöfnum fulltrúa og varafulltrúa ásamt kennitölu, gsm símanúmeri (vegna rafrænna kosninga) og netfangi. Mikilvægt er að fyllt sé út í kjörbréfið rafrænt. Eftir að kjörbréf hefur verið fyllt út þarf að prenta það út. Formaður þarf svo að undirrita kjörbréfið, skanna það inn og senda með tölvupósti á ksi@ksi.is í síðasta lagi föstudaginn 14. febrúar nk. Óskað er eftir að allir aðilar tryggi að svo verði gert.
Ef kjörbréf hafa ekki borist formanni og/eða framkvæmdastjóra félaga í tölvupósti eða frekari spurningar vakna er hægt að hafa samband við Óskar Örn Guðbrandsson (oskar@ksi.is) eða Hauk Hinriksson (haukur@ksi.is) á skrifstofu KSÍ. Athugið að reynsla sl. ára hefur sýnt að kjörbréfin kunna að lenda í ruslpósti (e. junk mail) í tölvupóstforriti.
