Opið fyrir tilnefningar til Grasrótarverðlauna KSÍ 2024
KSÍ veitir árlega grasrótarverðlaun og verður engin breyting þar á í ár. Verðlaunin eru þrískipt, Grasrótarpersóna ársins, Grasrótarfélag ársins og Grasrótarverkefni ársins.
Opnað hefur verið fyrir tilnefningar í þessum þremur flokkum þar sem fólki er velkomið að senda inn tilnefningu í einum eða fleiri flokkum. Allar tilnefningar verða skoðaðar og mun valnefnd sem skipuð verður af KSÍ velja sigurvegara.
Ef þú veist um einstakling, knattspyrnufélag eða verkefni sem gerði góða hluti í grasrótarstarfi árið 2024 þá hvetjum við þig til að senda inn tilnefningu með nafni einstaklings, félags eða verkefnis ásamt rökstuðningi á david.ernir@ksi.is fyrir 1. febrúar 2025.
Eina skilyrðið er tenging við fótbolta.
Verðlaunahafar fyrra árs (2023) - Afhent í tengslum við ársþing 2024
Grasrótarverkefni ársins - Leiknir R. fyrir að endurvekja kvennaknattspyrnu hjá félaginu.
Grasrótarfélag ársins - Reynir Hellissandi fyrir jákvæð og heilsueflandi áhrif á sitt samfélag.
Grasrótarpersóna ársins - Joaquín Linares Cordoba fyrir störf sín hjá Knattspyrnufélaginu Miðbæ (KM).
.jpg?proc=760)