U17 kvenna leikur í milliriðli á Spáni í mars
U17 landslið kvenna leikur í EM-milliriðli á Spáni í mars ásamt Úkraínu, Belgíu og Spáni. Dregið var á milli þjóðanna um hver þeirra yrði mótshaldari og kom það í hlut Íslands. Engu að síður varð það niðurstaðan að riðillinn yrði leikinn á Spáni samkvæmt samkomulagi knattspyrnusambanda landanna og samþykkt UEFA, enda eru til fordæmi um slíkt í sérstökum aðstæðum.
Búist er við að flestir leikirnir verði leiknir á Pinatar-svæðinu, þar sem íslensk landslið hafa leikið nokkuð reglulega síðustu ár. Efsta lið hvers milliriðils fer í úrslitakeppnina, sem leikin verður í Færeyjum 4.-17. maí næstkomandi.
Leikirnir
08/03/2025:
- Spánn - Úkraína
- Ísland - Belgía
11/03/2025:
- Spánn - Ísland
- Belgía - Úkraína
14/03/2025:
- Belgía - Spánn
- Úkraína – Ísland
