Úrslitakeppnin í Futsal um helgina
Úrslitakeppni meistaraflokks karla í Futsal-innanhússknattspyrnu fer fram um helgina. Leikið verður í íþróttahúsinu í Safamýri í Reykjavík föstudag, laugardag og sunnudag.
Á föstudag mætast Hamar og Ísbjörninn í umspili um sæti í undanúrslitunum, sem fara fram á laugardag, og mætir sigurvegarinn úr umspilsleiknum liði Vængja Júpíters. Í hinum undanúrslitaleiknum mætast KFR og sameiginlegt lið Mosfellinga (Afturelding/Hvíti riddarinn/Álafoss).
Úrslitaleikurinn er síðan á sunnudag kl. 12:00.
