A kvenna mætt til Austin
Mynd - Hulda Margrét Óladóttir
A landslið kvenna er mætt til Austin, Texas, þar sem liðið mætir Bandaríkjunum á fimmtudag.
Liðið mætti til Austin á mánudag og æfir í fyrsta sinn á þriðjudag hér í borg. Hægt verður að fylgjast með ferðinni á miðlum KSÍ.
Leikurinn er sá fyrri af tveimur, en liðin mætast aftur á sunnudag í Nashville, Tennessee. Leikurinn á fimmtudag hefst kl. 23:30 að íslenskum tíma og fer fram á Q2 Stadium hér í Austin.
Bein útsending verður frá báðum leikjunum á KSÍ TV í Sjónvarpi Símans.
