Mikil spenna í Bestu deild karla
Síðustu umferð Bestu deildar karla fyrir landsleikjahlé lauk á sunnudag.
Baráttan um Íslandsmeistaratitilinn heldur áfram að vera hnífjöfn, en Víkingur R. og Breiðablik eru jöfn að stigum á toppi deildarinnar eftir að bæði lið gerðu jafntefli á sunnudag. Víkingur R. er þó með betri markatölu og því á toppi deildarinnar.
Evrópubaráttan er einnig hörð, en Valur situr í þriðja sæti deildarinnar með 40 stig, Stjarnan er í fjórða sæti með 39 stig og ÍA í fimmta sæti með 37 stig þegar tveir leikir eru eftir.
Á botni deildarinnar er einnig mikil spenna, en þó er ljóst að Fylkir er fallið eftir úrslit helgarinnar. Hart er barist um það hvaða lið fylgir Fylki niður í Lengjudeildina, en HK er þremur stigum á eftir Vestra þegar tveir leikir eru eftir. KR er sæti ofar en Vestri og sex stigum á undan HK.
.png?proc=760){kind=logo}
.png?proc=760){kind=logo}
