.png?proc=1152){kind=logo}
Úrslitaleikur að Hlíðarenda
Lokaumferð Bestu deildar kvenna fer fram á laugardaginn þegar seinustu þrír leikirnir í efri hlutanum verða leiknir. Eðlilega verður spennan mest á N1 vellinum að Hlíðarenda þar sem Valur tekur á móti Breiðabliki í hreinum úrslitaleik um Íslandsmeistaratitilinn, þar sem Breiðabliki dugar jafntefli, en Valur verður að vinna.
Sama dag mætast annars vegar Þór/KA og Víkingur R. á Greifavellinum á Akureyri, hins vegar FH og Þróttur R. í Kaplakrika í Hafnarfirði, og hefjast þeir leikir kl. 14:00. Úrslitaleikur Vals og Breiðabliks hefst hins vegar kl. 16:15.
