Selfoss Fótbolti.net bikarmeistari
Selfoss er Fótbolti.net bikarmeistari 2024 eftir 3-1 sigur á KFA
Bæði lið sköpuðu sér mörg tækifæri í fyrri hálfleik en inn vildi boltinn ekki og var því markalaust í hálfleik. KFA var sterkara liðið í fyrri hálfleik og átti Selfoss fullt í fangi með að verjast Austfirðingum. KFA komst yfir á 54. mínútu og virtust hvergi nærri hættir. KFA héldu áfram að sækja en ekki tókst þeim að auka muninn. Selfyssingar létu þetta ekki á sig fá og jöfnuðu á 75. mínútu. Það sem eftir er venjulegs leiktíma sköpuðust þó nokkur tækifæri en 1-1 niðurstaða og því framlengt. Selfyssingar komust yfir á 99. mínútu og gerðu svo út um leikinn aðeins þremur mínútum síðar. Selfyssingar tryggðu sér þannig Fótbolta.net bikarinn 2024 ásamt því að hafa unnið 2. deild karla.
.png?proc=760){kind=logo}