ÍBV í Bestu deild karla 2025
Lokaumferð deildarkeppni Lengjudeildar karla fór fram um helgina. Að 22 umferðum loknum liggur fyrir að ÍBV hafnar í efsta sæti deildarinnar og leikur því í Bestu deild að nýju sumarið 2025 eftir eins árs stopp í Lengjudeild. Jafntefli í lokaleiknum, gegn Leikni í Breiðholti, dugði ÍBV þar sem Fjölnir tapaði fyrir Keflavík.
Liðin sem höfnuðu í 2.-5. sæti fara í umspil um sæti í Bestu deild, þar sem mætast annars vegar ÍR og Keflavík, hins vegar Fjölnir og Afturelding.
Grótta og Dalvík/Reynir féllu í 2. deild.
.png?proc=760)
