Breiðablik og Valur áfram í úrslitin
Breiðablik og Valur unnu bæði leiki sína í undanúrslitum fyrstu umferð forkeppni Meistaradeildar kvenna.
Valur vann 10-0 sigur gegn Ljuboten frá Norður Makedóníu, en leikið er í Hollandi. Valur mætir Twente í úrslitaleik um sæti í næstu umferð forkeppninnar, en hollenska liðið vann öruggan 7-0 sigur gegn Cardiff í undanúrslitum.
Breiðablik vann 6-1 sigur gegn Minsk frá Belarús, en leikið er á Kópavogsvelli. Breiðablik mætir Sporting CF í úrslitaleik um sæti í næstu umferð forkeppninnar, en portúgalska liðið vann 2-0 sigur gegn Eintracht Frankfurt í undanúrslitum.
Úrslitaleikirnir fara fram laugardag. Leikur Vals og Twente hefst kl. 16:00 og leikur Breiðabliks og Sporting CF kl. 17:00.
.jpg?proc=760){kind=logo}
.jpg?proc=760)
