Sigur á Suður-Kóreu
U17 lið karla vann Suður-Kóreu 1-0 í þriðja og síðasta leik liðsins á Telki Cup sem haldið var í Ungverjalandi.
Eftir jafnan leik kom Tómas Óli Kristjánsson boltanum í netið á 78. mínútu og varð það eina mark leiksins. Í hinni viðureign mótsins mættust Ungverjaland og Ítalía sem endaði með 2-2 jafntefli. Íslenska liðið var í öðru sæti á mótinu með 6 stig, aðeins einu stigi á eftir Ítalíu sem voru í fyrsta sæti. Suður-Kórea var í því þriðja með 3 stig og heimamenn, Ungverjar, í fjórða sæti með 1 stig.
Íslenska liðið getur verið stolt af þessum frábæra árangri á Telki Cup æfingamótinu.
