Besta staða Íslands á FIFA-listanum
Íslenska kvennalandsliðið er í þrettánda sæti á styrkleikalista FIFA sem er besta staða sem liðið hefur náð. Liðið hækkar um eitt sæti og fer upp fyrir Ástralíu sem féll um þrjú sæti. Bandaríkin hafa endurheimt toppsætið af Spáni sem situr nú í þriðja sæti og Englendingar verma annað sætið. Frakkar falla um átta sæti og sitja nú í tíunda sæti listans.
Þrettánda sæti er besti árangur íslenska liðsins á listanum en fyrir það hafði liðið nokkrum sinnum náð fjórtánda sæti listans.
