U17 lið karla mætir Ungverjum
U17 lið karla mætir Ungverjum í sínum öðrum leik á Telki Cup æfingamótinu sem haldið er í Ungverjalandi klukkan 15:00 í dag, fimmtudaginn 15. ágúst.
Liðið mætti Ítalíu í fyrstu umferð mótsins sem endaði með naumu 4-3 tapi íslenska liðsins. Lokaleikur íslenska liðsins verður gegn Suður-Kóreu laugardaginn 17. ágúst klukkan 09:00.
Leikurinn verður í beinu streymi á youtube-rás ungverska knattspyrnusambandsins sem finna má hér.
Ísland og Ungverjaland hafa mæst fimm sinnum í þessum aldursflokki, af þeim viðureignum hafa Ungverjar borið sigur úr býtum fjórum sinnum og hefur ein viðureign endað í jafntefli.
