Súpufundur - Er munur á líkamlegum kröfum í keppnisleikjum á grasvelli vs. gervigrasvelli?
Mánudaginn 24. júní kl. 12:00 býður KSÍ upp á súpufund í höfuðstöðvum KSÍ á Laugardalsvelli.
Fyrirlesari er Þór Sigurðsson, doktorsnemi í íþróttafræðum við UCAM háskóla á Spáni. Þór mun fjalla um niðurstöður á rannsókn þar sem hann skoðaði muninn á líkamlegum kröfum í keppnisleik á grasvöllum og gervigrasvöllum.
Þór hefur til fjölda ára starfað sem fitness þjálfari hjá knattspyrnuliðum á Íslandi, m.a. hjá Gróttu og Stjörnunni.
Frítt er á fyrirlesturinn og súpa í boði fyrir þá sem mæta.
Fyrirlesturinn veitir öllum þjálfurum sem eru með KSÍ/UEFA þjálfaragráður, 2 endurmenntunarstig ef þeir eru viðstaddir.
Fyrirlesturinn verður tekinn upp og hægt er að fá hann sendan að honum loknum.
Möguleiki er að fá 2 endurmenntunarstig ef fólk horfir á fyrirlesturinn og svarar tveimur léttum spurningum úr fyrirlestrinum í tölvupósti á arnarbill@ksi.is.
Skráning á súpufundinn er hér, bæði fyrir þau sem mæta og þau sem vilja fá fyrirlesturinn sendan. Skráning fer fram á hlekknum hér að neðan.
.jpg?proc=760){kind=logo}
