Moli fer af stað um landið
Verkefnið "Komdu í fótbolta með Mola" hefst í dag, mánudag, sjötta sumarið í röð. Siguróli Kristjánsson, betur þekktur sem Moli, er umsjónarmaður verkefnisins og mun hann ferðast um landið í sumar.
Markmiðið með verkefninu er að kynna fótbolta og veita krökkum sem búa á minni stöðum á landinu aðgengi að fótboltaæfingu í sinni heimabyggð því nokkuð algengt er að krakkar sæki fótboltaæfingar út fyrir sinn heimabæ á minni stöðum á landsbyggðinni. Einnig vill KSÍ með verkefninu hvetja krakka til að hreyfa sig, borða hollan og næringarríkan mat, sofa nóg og minnka skjánotkun.
Eins og fyrr segir hefst ferðalag Mola í dag. Fyrsta heimsóknin verður klukkan 13:00 á Laugarvatni. Þriðjudaginn 4. júní kl. 11:00 heimsækir Moli Flúðir og miðvikudaginn 5. júní verður förinni heitið í Reykholt, á Hvolsvöll og Hellu. Fyrstu vikunni lýkur á fimmtuaginn þegar Moli heimsækir Vík í Mýrdal og Kirkjubæjarklaustur.
KSÍ og Landsbankinn hvetja áhugasama krakka á öllum aldri til að mæta á æfingu hjá Mola.
.jpg?proc=760)
